Friday na ulit, grabe, bilis ng araw. Makakabawi na ako sa mahal ko, salamat ng marami sa sideline ko.
Makakabili na rin ako ng pamalit sa nawala kong engagement ring (buti na lang hindi kamahalan yun).
***
Minsan kailangan mo rin munang isipin kung anu-anong pwedeng maging implikasyon sa pagtulong mo sa tao.
May kaibigan akong nagpahanap ng makukuhanan ng PC at tutulong sa pagtatayo ng internet shop. Canvass naman ako sa mga online contacts ko. Sa umpisa nakikisama ako sa usapan nila syempre, pero sa kinalaunan hindi na ako sumawsaw.
Hindi ko na-anticipate yung mga problema na pwedeng lumitaw (pricing agreement, schedule ng paggawa ng shop, delivery ng mga PC, etc.). Eh medyo hindi sila magkaayos sa mga bagay bagay kaya ako ang naging sumbungan nila. Ang nakakalito, hindi ko alam kung sino ang nagsasabi ng pawang katotohanan. Kung alam ko lang na ganito ang mangyayari, hindi na lang sana ako umepal.
Ang gusto ko lang naman eh makatipid yung kaibigan ko, at makatulong na rin pandagdag kita sa isang naghahanap buhay. NI SINGKONG CROSS-EYED EH HINDI AKO TUMANGGAP AT WALA AKONG BALAK NA MAGKA-KUMISYON DITO. Eh ang siste, puro kunsumisyon pa ang nakuha ko.
So kinausap ko silang dalawa na magkaharap sa Linggo (kasama ako) para plantsahin ang mga dapat plantsahin. Kaya abangan!
Subscribe to:
Post Comments (Atom)
No comments:
Post a Comment