Pila, pila, pila.

Grabe, kanina ko lang ulit nabigkas ang Panatang Makabayan after ??? years (highschool pa yata). Dami na palang nabago sa mga linya nito. Nasa SSS kasi ako kaninang umaga para mag-apply ng digitized ID. 7:30am na ako dumating kaya pang-30+ na ako sa pila. Yung mga dumating ng 8am, pang 50+ na tapos yung mga 9am (niners)pinababalik na nang 1pm.

Pumila rin ako sa MRT at LRT pagpunta ko sa Manila for my passport application.

Siguradong pipila na naman ako pagsakay ng FX mamaya. Magpapa-late na lang ako ng uwi.

Weekend again =)

Yay, nakuha na namin yung wedding pics namin para mapili namin yung ilalagay sa album! Daming namin naman nun, nanu-nanu. =P We were also given a copy of the raw video, and while we were watching it last night, yung feeling nung mga time na yun e parang nag-rush in kay mahal. Kakatuwa. Dapat sana maglalagay na ako ng ilang pics sa Friendster kaso sa pagmamadali kaninang umaga (Late na kami nagising - 4:40am nagising), naiwan ko yung mga CDs. =(

Morning madness

If not for my wife, I'd consider this morning as a forgettable one. Too many @$$holes are scattered today. To name a few that I've noticed - smoke belching cancer fanatics who don't care on where their carbon monoxide-filled fumes go, a pea-brain who doesn't know how to fall in line, and a driver who doesn't give a damn if his PUV's aircon is broken. It's still early so I need to get prepared for the worse/worst. But I'll try not to get affected. Good stuffs' abound as well, I hope.

Bagong layf

I must admit na nakakapanibago ang bumukod after 30 years na kasama ko yung mga kapatid at magulang ko sa iisang bahay. Just like yesterday, na-miss ko yung sabay kami ng tatay ko na manood ng live telecast na boxing. Kapag may ganitong palabas tuwing Linggo, kami lagi ang laman ng sala. Kahapon, text-text na lang kami.

Dumarating din ang pagkakataon na naitatanong ko sa sarili ko kung ano ang ginagawa nila, ano ang ulam nila, ano ang pinapanood nila, napag-uusapan kaya nila ako, atbp.

Pumasok ang mga ito habang super busy ang mahal ko sa pag-aayos ng mga damit namin. Sobrang sipag ni mahal pagdating sa pagsisinop ng mga gamit, wala akong masasabi.

Dan in Married Life

It came through me like a whirlwind. Hindi ako nakasabay sa bilis ng mga pangyayari. May asawa na ako. Bago na ang civil status ko. Hindi na ako sa amin uuwi. Ngayon medyo hindi pa totally nagsi-sync in ang realidad na ang singsing sa kaliwang palasingsingan ko ay simbolo ng pagkakatali sa aking minamahal na kabiyak. Maging si mahal eh, hindi pa rin lubos na makapaniwala na kasal na siya. Mrs. Fernandez na siya.

Salamat sa mga sumaksi sa aming pag-iisang dibdib. Salamat sa mga nagbigay ng mga alaala. Salamat sa mga bumati. Salamat sa mga nasiyahan sa okasyon. Ako man ay nagalak sa pagpapalipad ng mga paru-paro.

Trivia: 3pm ang kasal. 1:30pm nasa palengke pa ako at naghahanap ng VCD ni Gary V. na may "How Did You Know" kaso wala akong nakita. Buti na lang alam ng banda sa reception ang piyesa. Kahit sablay sa tono (ang alam nila kasi yung acoustic version), nairaos ko ang harana ko sa aking misis.

Less than a week na lang

Hay talagang medyo nakakakaba pala kapag narito na sa huling linggo. Mixed feelings. Thursday leave na ako sa work. Sana by that time, wala nang nakalimutan sa preps. Kalito, ngayon pa lang, lutang na utak ko, hindi na ako makapag-concentrate sa trabaho.

8 days to go

"After ng kasal, malalaman mo ang pakiramdam ng ginagastusan mo ang hindi mo naman talaga kaanu-ano."

"Hindi mo malalasahan ang pagkain sa reception dahil lutang ka n'on. Pero sa honeymoon mo mararamdaman ang gutom."

-Quoting my married officemates while they check out my wedding preps.

Malapit na!

11 days na lang sabi ng counter ko, at masisilayan ko na ang unang araw na may pagbabago sa marital status ko. Sa ngayon, siguro nasa 95% ready na ang lahat for that day.

***

Bad trip talaga yang MRT na yan, kabibili lang ni mahal ng SV ticket tapos nung nagkaproblema, pinagawan lang nila ng incident report at i-follow up na lang daw niya AFTER FIVE DAYS. Kelangan pa raw ng investigation. Kung tutuusin, dapat re-fund or replacement na lang dahil system error naman at walang physical defect na nakita sa card. Paano kung kulang na ang pera para makauwi? Bwiset talaga, public transportation equates to major hassle dito sa Pilipinas. Kaya kelangan in two years, makabili na ako ng kotse. Ay let me rephrase it: In two years, may kotse na ako!

Reduced operation

Habang nasa bakasyon na halos lahat ng aking mga mahal na kaopisina, may ilang nilalang na kabilang sa kanilang hanay, kasama po ang inyong lingkod, ang na-obligang pumasok alang alang sa interes ng kumpanya. Mahal namin ang kumpanya, mahal na mahal. Sana gayundin siya sa amin.

Long vacation your face!

I can't beleive it. I was anticipating a bit relaxing time when I plan to work on my wedding invites this week when my office colleague delivered the doomsday news: a bid invitation due Monday next week! Patay na, mukhang masisira plano namin ni mahal. Abangan na lang.

***

Nag-pictorial kami ni mahal sa UP lagoon last Saturday. Pamasahe at pagkain lang ang nagastos namin, and I think we made some pretty good shots na gagamitin namin sa wedding ek-eks. Heto sample...




Joke. Saka na lang. =)